كيف تختار شركة تسويق إلكتروني في الأردن بدون ما تندم؟

8 أسئلة اسألها قبل ما توقّع

1. شو بدكم تعرفوا عن مشروعي قبل ما تسعّروا؟ إذا جاك سعر قبل أي سؤال، غالبًا الشغل جاهز ومكرر.
2. كيف رح تقيسوا النجاح؟ الجواب الصح بيحكي عن رسائل وليدز وحجوزات ومبيعات، مش بس وصول وإعجابات.
3. مين بيملك الحساب الإعلاني والصفحة والبكسل؟ لازم يكونوا باسمك أنت، والوكالة تشتغل بصلاحيات.
4. هل ميزانية الإعلان من ضمن السعر؟ لازم تعرف بالضبط قديش بيروح للمنصة وقديش أتعاب.
5. شو اللي مش داخل بالعرض؟ التصوير، الرد على الرسائل، تطوير الموقع… وضّحها من البداية.
6. مين رح يشتغل على حسابي فعليًا؟ اعرف الأشخاص، مش بس اسم الشركة.
7. كل قديش بستلم تقرير، وشو فيه؟ اطلب نموذج تقرير قبل ما تبلّش.
8. شو بصير إذا بدي أوقف؟ مدة الإشعار وتسليم الملفات والصلاحيات لازم تكون مكتوبة.

علامات تحذير

• «بنضمنلك المركز الأول على جوجل» أو «بنضمنلك 100 طلب»: ما حدا بيتحكم بالخوارزميات أو بقرار الزبون.
• متابعين أو تقييمات بتنشرى: بتضر حسابك وبتخالف سياسات المنصات.
• أرقام ونتائج بدون سياق أو بدون إذن العميل.
• عقد طويل إجباري من أول يوم بدون فترة تجربة واضحة.
• رفض إعطاءك صلاحية على حسابك الإعلاني.

باقات ثابتة أم عرض حسب المشروع؟

الباقة الثابتة سهلة للمقارنة، بس أحيانًا بتدفع على أشياء ما بتحتاجها أو بتنقصك أشياء مهمة. العرض المبني على مشروعك بياخد وقت أطول شوي، بس بيكون مرتبط بهدفك وميزانيتك. في كاجو ما عنا باقات ثابتة: بنفهم مشروعك وجمهورك والسوق والهدف والميزانية، وبعدين بنرسل عرض مكتوب. كيف بنسعّر؟

ليش وكالة محلية بتفرق؟

الوكالة اللي بتعرف السوق الأردني بتفهم اللهجة، والمواسم، وسلوك الشراء عبر واتساب، والفرق بين جمهور عبدون والزرقاء وإربد. هذا بيبيّن بالرسائل الإعلانية وبالاستهداف وبتوقيت الحملات.

إذا بدك تشوف كيف بنشتغل، احجز استشارة مجانية وبنحكيلك بصراحة إذا بنقدر نساعدك أو لا.